Dirigjent:

Timothy Redmond

Solistë:

Felicien Brut, harmonikë (Francë)

Axel San-Cyrel – mezo-soprano (Francë)

Kur flasim për dashurinë dhe anën romantike të jetës, shpesh para syve na shfaqet Parisi. Jo rastësisht – qyteti i dritës është edhe qyteti i dashurisë. Ai është një frymëzim i përjetshëm për artistët, një vend ku lindin pafund histori dashurie letrare, filmike dhe muzikore. Bukuria e tij arkitekturore e dallueshme dhe shpirti që mbart krijojnë melodi të mbushura me melankoli, pasion, butësi dhe një mall romantik.

Këto vepra artistike janë pasqyrë e dashurive të lumtura, por edhe e atyre të braktisura, të heshtura dhe të dhimbshme. Sepse dashuria është e tillë – madhështore dhe e fuqishme, herë e butë, herë e dhimbshme, por gjithmonë e thellë dhe e sinqertë.

Dita e të Dashuruarve nuk është thjesht një datë tjetër në kalendar. Ajo është një kujtesë se dashuria, në të gjitha format e saj, i jep kuptim jetës dhe botës.

Kjo është edhe dita e verës – pija e perëndive dhe eliksiri i jetës. Vera dhe dashuria ecin dorë për dore, të lidhura përmes ngjyrës, aromës, ngrohtësisë dhe ndjenjës që zgjojnë.

Të nderuar,

Shijoni tingujt e dashurisë, fantazisë dhe mallëngjimit, muzikën e puthjeve dhe përqafimeve, të shoqëruara me verë me ngjyrën e zemrës.

Lejojeni veten, qoftë edhe për një çast, të zhvendoseni në skenat më të bukura romantike të filmave dhe të merrni me vete përshtypje të paharrueshme.