Kompozitor:

Filip Ivanov

Dirigjent:

Borjan Canev

Narrator:

Martin Jordanoski

Njëherë, shumë kohë më parë, një fëmijë i vogël për ditëlindje mori dhuratë një kuti me lodra. Brenda kutisë ishin vendosur njëzet e pesë ushtarë të vegjël prej plumbi, të cilët ishin bërë nga një lugë e madhe e vjetër prej plumbi. Fëmija u gëzua shumë dhe menjëherë i vendosi ushtarët mbi tavolinë, ku kishte edhe shumë lodra të tjera.

Të gjithë ushtarët ishin të njëjtë. Mbanin uniforma kuq-blu, ndërsa pushkët i mbanin lart, drejt, të mbështetura mbi shpatullat e tyre. Ishin rreshtuar në formacion dhe gati për të marshuar.

Kështu fillon një nga përrallat më të bukura të Hans Christian Andersen, kushtuar dashurisë mes dy lodrave. Ju ftojmë ta dëgjoni për herë të parë këtë histori përmes muzikës së kompozitorit Filip Ivanov, me orkestrën e Macedonian Philharmonic Orchestra nën dirigjimin e maestro Borjan Canev dhe me narratorin Martin Jordanoski.