Сашко Темелкоски

бас кларинет

Роден е во Скопје.Средното образование го завршува во ДМБУЦ „Илија Николовски-Луј“ во класата на проф. Стојан Димов и проф. Петар Колевски. Дипломира на Факултетот за музичка уметност во Скопје во класата на проф. Иван Кочаров, а постдипломски студии завршува во 2010година под менторство на проф. Стојан Димов.

Има посетувано семинари по кларинет и камерна музика кај Петко Радев (Бугарија), Џастин О’Дел (САД), Опера – Берлин камерни солисти (Германија), учество во младински европски оркестар DE JUNES – (Франција). Има остварено изведби на театарските претстави „Последната одисеја“ МНТ – Скопје / „Хелена Моджејевска“ – Легница, Полска, и „Печалбари“ – „Трајко Прокопиев“ во Куманово. Активен член е на F.A.M.E.’S.project – Orchestral music Recording. Член е на камерниот состав „Консонанс“, со кој бележи еден компакт-диск. Како солист камерен музичар,настапува и со симфониски оркестри на значајни фестивали во државата и надвор од неа („Скопско лето“, „Денови на македонска музика“, „Есенски музички свечености“, „Интерфест“– Битола, „Охридско лето“, „Подиум на млади“, „Номус“, „Бемус“, настапи во Полска, Њујорк – САД, Дубаи, Франција, Италија, Србија, Црна Гора, Босна и Херцеговина, Хрватска, Бугарија…Од 2006 година е вработен во Македонската филхармонија како бас-кларинетист – трет кларинет.

Слободното време сака да го поминува во дружба со пријателите и фамилијата, со добар филм, прошетки во природа и риболов.

Назад