Композитор: Филип Иванов: „Oловното војниче“

Диригент: Борјан Цанев

Наратор: Мартин Јордановски

Еднаш многу одамна, едно малечко дете за роденден доби поклон кутија со играчки. Внатре во кутијата беа сместени дваесет и пет оловни војничиња кои беа направени од една стара голема оловна лажица. Детето многу се израдува и веднаш ги постави војничињата на масата каде што имаше и многу други играчки.
Сите војничиња беа исти. Носеа црвено – сини униформи, а пушките ги држеа високо исправени потпирајќи ги на своите раменици. Беа наместени во строј и спремни за марширање.
Вака започнува една од најубавите приказни од Ханс Кристијан Андерсен посветена на љубовта помеѓу две играчки. Ве покануваме премиерно да ја слушнете оваа приказна низ звукописот на композиторот Филип Иванов, со оркестарот на Македонска Филхармонија под диригентската палка на Маестро Борјан Цанев и нараторот Мартин Јордановски.