Диригент: Мириан Хухунаишвили (Грузија)

Солисти: Мелоди Лулеџан   – сопран (Ерменија/Франција)

Марио Стефано Пјетродарки – бандонеон (Италија)

Програма:

Н. Рота: „Омаж на Федерико Фелини“, арр. Н. Рахвели – Марио Стефано Пјетродарки– соло бандонеон

С. Чипријани: „Анонимен венецијанец“ арр. В. Рос

Р. Ортолани/Н. Оливиеро: Тема од “Кучешки свет”, арр. В. Рос – Мелоди Лулеџан – сопран соло

Н. Рота: „Кум“ – Суита

Н. Рота: „Љубовна тема“ од „Ромео и Јулија“арр. В. Ботев

Н. Пиовани: „Животот е убав“, арр. Р. Молинели – Марио Стефано Пјетродарки– соло бандонеон

Л. Дала: „Карузо” – Мелоди Лулеџан – сопран соло

A. Тровајоли: „Мирисот на жената“, арр. В. Рос

Н. Рота: „Јулија и духовите“, арр. В. Рос

Е. Мориконе: Звучен пејзаж од филмските теми на Мориконе, арр. Ф. Конокиела – дует: Марио Стефано Пјетродарки и Мелоди Лулеџан

 Е. Мориконе: „Мисија“ Суита – мешан хор „Про Арс“

„Животот е убав“ е насловен традиционалниот концерт на Македонската филхармонија во Градскиот парк, кој годинава ќе се одржи на 15 јуни во 21 часот. На програмата е музика од познати италијански филмови, чија изведба ќе биде надополнета и со видео проекции.

Концертот претставува спој на италијанската музика и филм, а на програмата се „Омаж на Федерико Фелини“, суита од филмот „Кум“, „Љубовна тема“ од филмот „Ромео и Јулија“ и музика од „Јулија и духовите“ од Нино Рота, музика од филмот „Анонимен венецијанец“ на Стелвио Чипријани, „Кучешки свет” од Р. Ортолани/Н. Оливиеро, тема од филмот „Животот е убав“ од Никола Пиовани, „Карузо“ од Лучио Дала, „Јулија и духовите“ од Армандо Тровајоли, „Звучен пејзаж“ од филмските теми на Енио Мориконе и суита од музиката за филмот „Мисија“.

Диригент е маестро Мириан Хухунаишвили од Грузија, а како солисти ќе настапат сопранистката Мелоди Лулеџан, Марио Стефано Пјетродарки на бандонеон од Италија и хорот „ПроАрс“.

Концертот се реализира со поддршка на Италијанскиот институт за култура во Белград и Италијанската амбасада во Скопје и со него, воедно ќе се одбележат 30 години од воспоставувањето на дипломатски односи меѓу РС Македонија и Италија.