Леонардо Димоски

Леонардо Димоски е роден 2004 год. во Битола, Р. Македонија. Музичкото образование го започнува на 6 годишна возраст во Прилеп во ООМУ “Ордан Михајлоски Оцка”, во класата на проф. Оливера Трајкова и ментор проф.Ванчо Стоилков. Oд јануари 2017 год. е под менторство на м-р проф. Сихана Бадивуку. Средното образование го завршува во Државното Музичко Училиште во Битола, во класата на проф. Оливера Трајкова. Во 2023 год. започнува со студирање во “MUK- Musik und Kunst Privatuniversität der Stadt Wien” со проф. Кристина Шуклар, ментор проф. Павел Верников. Учесник и добитник е на бројни награди на државни и меѓународни натпревари: Лауреат е на меѓународните натпревари “Охрид те сакам”, “Polyhymnia”, “Glasbena cipka iz Idrije” како и на фондацијата “Томислав Зографски”. Добитник е на специјални, први, втори и трети награди на следните натпревари: “ODIN International Music Competition” ви Швајцарија, “Inernational Moscow Music Competition”, “Persatuan Chopin Malaysia music competition”, “Music Competition Online” во Париз, “Sarajevo Southeat European Violin Competition”, “PJETER GACI”, “Недаљка Симеонова“, “Constantine The Great”, “ARSKOSOVA EDICIONI 15”, “Охридски Бисери”. Одржува концерти и настапува во познати сали во Виена, како: Musikverein, Ehrbarsaal, Steinway Salon, Bechstein Centrum и сл. Неговите концерти се често пати во склоп со разни културни манифестации и фестивали како: “Concerti del Tempietto” во Рим, ““ XXVIII РАШКЕ ДУХОВНЕ СВЕЧАНОСТИ” во Србија, “Kosova Kamerfest” во Приштина, “Dritte Wiener Ernsthaftigkeit” во Виена, “Виолин Фест” во Скопје. Дел е и од фондацијата “Спиваков”. Тој исто така редовно настапува и на македонската сцена, вклучувајќи концерти во Прилеп, Битола и Скопје и настапи со Битолскиот Камерен Оркестар и Македонската Филхармонија. Учествува на семинари, работилници и проекти кои вклучуваат најразлични типови на импровизации и соработка со композитори на современа музика. Како плод на неговиот интерес во оваа област, под менторство на Univ.-Prof. Dr. Jean Beers го оформуваат “Empathy Duo”(дует на експериментални и концептуални импровизации) заедно со Киара Јанко (хармоника) со која што настапуваат на разни локации во Виена, како и во Musikverein. Посетувал семинари и мастеркласови по виолина кај проф. Михаило Куфојанакис, проф. Paul Rocek, Тedi Papavrami , проф. Владимир Марковиќ, проф. Ronny Spiegel, проф. Kirill Troussov, проф. Dmitri Berlinsky, проф. Anna Morgoulets, Troels Svane, проф. Igor Volochine, проф. Павел Верников, проф. Светлана Макарова, проф. Silvia Marcovici

Назад