Мултимедијалниот перформанс под наслов „И коњите ги убиваат, зарем не?“ е во копродукција на Македонската филхармонија и 3D Проект студио. Станува збор за спектакуларно 3D Mapping Show, во кое покрај аудио и видео сензацијата ќе има и актерска игра. Во главната улога е актерот Дејан Лилиќ. 3D Mapping-от е базиран на музички аранжман од маестро Џијан Емин и легендарните хитови на Лед Цепелин, испреплетени со музичките дела на Димитри Шостакович и миленикот на Кјубрик – Арам Хачатуријан. 3D Mapping-от и видео анимациите се на Милчо Узунов и режија на Златко Славенски.